Kornungur maður var í Héraðsdómi Reykjaness þann 3. desember sýknaður af ákæru um að hafa nauðgað fyrrverandi kærustu sinni sumarið 2015. Fólkið er nágrannar en samkvæmt framburði stúlkunnar kom pilturinn til hennar að næturlagi eftir að hún hafði verið á bjórkvöldi og nauðgaði henni í svefnherbergi hennar. Er þau sátu í rúmi í herberginu hennar og hann hafði kysst hana segist stúlkan hafa gert honum ljóst að hún vildi ekki hafa mök við hann – með orðum og athöfnum. Tók þá ákærði í hana, hélt henni niðri og hafði við hana samfarir og lét ekki af háttseminni þó að hún hefði ítrekað sagt honum að hætta.

Um vitnisburð stúlkunnar segir enn fremur í dómnum:

„Hún hefði sagt honum að hætta. Hann hefði lagst ofan á hana. Brotaþoli hefði aftur beðið hann um að hætta. Hann hefði þó ekki hætt og náð fram vilja sínum en brotaþoli hefði legið „ frosin“ á meðan. Eftir að á kærði hefði lokið sér af þá hefði hann sest upp og sagt : „Fuck, hvað er ég búinn að gera?“ Hann hefði síðan farið en brotaþoli hefði legið eftir grátandi alla nóttina.“

„Aðspurð um samskipti við ákærða meðan þau voru par í grunnskóla sagði brotaþoli að ákærði hefði ekki virt mörk hennar meðan á því sambandi stóð. Hann hefði tekið í hönd hennar og sett hann inn á hann. Hann hefði einnig átt það til að ýta höfði hennar í átt að klofi hans. Til frekara marks um þetta væri að finna viðurkenningu ákærða til hennar í gegnum Facebook um„ástarleiki“ sem hann hefði vitað að hún vildi ekki og að hann gæti ekki haft stjórn á sjálfum sér í kringum hana.“