Erik Hamren, landsliðsþjálfari, er stoltur af sínum mönnum eftir 1-0 tap gegn Frökkum í kvöld.

Eina mark leiksins skoraði Olivier Giroud fyrir Frakka en það kom úr vítaspyrnu í seinni hálfleik.

Hamren er ekki viss um hvort dómurinn hafi verið réttur en hann hefur þó ekki séð atvikið vel.

,,Ég er stoltur af leikmönnunum, við buðum upp á góða frammistöðu en ég er vonsvikinn með úrslitin,“ sagði Hamren við RÚV.

,,Ég er stoltur af þeim og hvernig þeir reyndu allt sem þeir gátu og þetta var mjög tæpt.“

,,Ég hef ekki séð vítið svo vel aftur en ég sá það á skjánum þar sem ég stóð og það leit ekki út fyrir að vera víti.“

,,Ég ræddi þess vegna við fjórða dómarann og sagði að þetta væri ekki víti en ég hef heyrt síðan að hann sparki kannski í hann.“