Skurðlæknar í Indlandi fjarlægðu „djöflahorn“ af karlmanni. Shyam Lal Yadav, frá Rahli þorpinu, sagði að furðulegi klumpurinn hafi fyrst byrjað að myndast fyrir fimm árum síðan þegar hann rak höfuð sitt í. Mirror greinir frá.

Til að byrja með fékk hann rakarann sinn til að stytta það en síðan fór það að verða hart og byrjaði að vaxa. Hann endaði með að leita sér læknisaðstoðar.

Skurðlæknar á Bhagyoday Tirth sjúkrahúsinu í Sagar borg hafa staðfest að þetta var fitukirtla horn (e. sebaceous horn), eða djöflahorn eins og það er oft kallað. Lítið er vitað um það.

Hornið er úr keratín, sem finnst í nöglum og hári.

„Fyrir um fimm árum síðan rak sjúklingurinn höfuð sitt í og það byrjaði að vaxa klumpur úr höfði hans. Hann hunsaði það til að byrja með, því þetta veitti honum engin óþægindi og hann fékk rakarann sinn til að stytta ofvöxtinn. En eftir að klumpurinn byrjaði að harðna og vaxa meira þá leitaði hann sér læknisaðstoðar,“ sagði skurðlæknirinn Dr Vishal Gajbhiye.

Hornið var fjarlægt með sótthreinsaðri rakvél.

Þrátt fyrir að hornið var fjarlægt mun Shyam þurfa frekari læknisaðstoð, hvort sem það verður frekari aðgerð, geislameðferð eða lyfjameðferð. En það þarf að vinna að rót vandans.