Það er allt í steik hjá Anderlecht eftir að Vincent Kompany tók við liðinu í sumar.
Liðið hefur aðeins unnið einn af sjö leikjum sínum og tapað fjórum, í deild þar sem liðið á að vera eitt það besta.
Kompany tók við liðinu í sumar og hefur verið spilandi þjálfari. Þetta er hans fyrsta starf og hann virðist ráða illa við það.
Kompany var fyrirliði Manchester City í mörg ár en hann hefur látið Simon Davies, aðstoðarmann sinn stýra síðustu leikjum.
Liðið tapaði 2-1 gegn Antwerp um helgina og eftir leik læsti Kompany klefanum í klukkutíma, hann las yfir mönnum.
