Það fór fram stórkostlegur leikur á Kópavogsvelli í gær er Breiðablik og Fylkir áttust við. Blikar byrjuðu frábærlega í gær og voru með 3-0 forystu í fyrri hálfleik og staðan mjög góð. Andri Rafn Yeoman skoraði fyrsta mark leiksins og svo bættu þeir Thomas Mikkelsen og Alfons Sampsted við mörkum.
Snemma í seinni hálfleik virtist Alfons Sampsted hafa gert út um leikinn er hann skoraði fjórða mark heimamanna. Geoffrey Castillion nennti ekki að grúttapa í kvöld og tók hann svo sannarlega við sér stuttu síðar. Castillion skoraði þrennu eftir fjórða mark Blika en eftir fyrsta mark hans vvar Viktor Örn Margeirsson rekinn af velli.
Fylkismenn náðu ekki að jafna metin og lokatölur, 4-3 í Kópavogi.
Albert Brynjar Ingason, framherji Fjölnis tók eftir fyndnu atiki fyrir leik. Þar voru Ágúst Gylfason, leikmaður Breiðabliks og Helgi Sigurðsson, þjálfari Fylkis að faðmast. Það var augnaráðið eftir faðmlagið sem vakti athygli.
,,Þegar þú ert ógeðslega sáttur eftir fullkomið fyrsta deit,“ skrifar Albert sem er alltaf léttur á Twitter.
Atvikið er hér að neðan.
Þegar þú ert ógeðslega sáttur eftir fullkomið fyrsta deit ?? pic.twitter.com/VICWZBmOc0
— Albert Ingason. (@Snjalli) September 1, 2019
