Það er fátt eins frískandi og stútfull vatnskanna með klökum og gúrkusneiðum en næringargildi gúrkna er mörgum hulin ráðgáta. Góðu fréttirnar eru þær að gúrkur eru troðfullar af innihaldsríkum næringarefnum sem efla og styrkja líkamann. Hér fyrir neðan má sjá næringargildi því sem nemur einum bolla af gúrku.

16 kalolíur
1 g prótein
0 fita
1 g trefjar
2 g sykur
2 mg salt
4 g kolvetni

Og fyrir utan að vera lágkolvetna innihalda gúrkur líka C vítamín og magnesíum. Fólk sem þjáist af háum blóðþrýsting ætti gjarnan að gera sér ferð í gúrkudeildina en þar sem gúrkur innihalda 95% vatn eru þær einstaklega rakagefandi næring. Súrsaðar gúrkur eru jafnframt jákvæðar fyrir magaflóruna enda innihalda þær salt og edik sem reynast góðar bakteríur fyrir líkamsstarfsemina.

Þó engin matvara stuðli að þyngdartapi er óhætt að mæla með gúrkum fyrir baráttuna gegn aukakílóum þar sem þær fylla auðveldlega upp í magann og margir vilja meina að meiri orka fari í að borða gúrkuna en hún gefi til baka.