KR er komið í átta liða úrslit bikarsins eftir nauman sigur á Völsungi á Húsavík í dag.
Rúnar Kristinsson spilaði á flestum af sínum sterkustu leikmönnum en Óskar Örn Hauksson fékk hvíld.
Fyrra mark leiksins kom eftir rúma klukkustund þegar Alex Freyr Hilmarsson skoraði.
Alex gekk í raðir KR í vetur og hefur verið í minna hlutverki en flestir höfðu talið, hann nýtti tækifæri sitt í dag vel.
Það var svo í uppbótartíma sem Tobias Thomsen skoraði úr vítaspyrnu eftir að Guðmundur Óli Steingrímsson, braut á Björgvini Stefánssyni og fékk rauða spjaldið.
