Hrósunum rignir yfir Matthías Tryggva Haraldsson, annan söngvara Hatara, við YouTube myndband sem tekið er upp við tökur á kynningarmyndbandi á Hatara fyrir Eurovision. Í myndbandinu lærir Matthías orðið Opa sem þýðir Vá.
Ísraelskar konur halda vart vatni yfir Matthíasi og tala einstaklega fallega um hann í athugasemdum við myndbandið.
„Matthías er svo sætur og ég elska þegar hann segir Opa,“ skrifar ein. „Matthías, hættu að vera svona sætur og heitur á sama tíma,“ skrifar önnur.
„Æi, Matti er svo sætur,“ skrifar ein og þá svarar önnur: „Eins og alltaf. Það er sárt, er það ekki?“ „Jú, en á sama tíma fyllir það hjarta mitt af gleði,“ svarar sú fyrri þá.
Ein tekur fram að Matthías þurfi ekki svo mikla málningu.
„Hann þarf ekki svona mikinn farða!“
https://www.youtube.com/watch?v=GhFkDN9FWMk
