Norska flugfélagið Norwegian Air ætlar að kyrrsetjar átta farþegaþotur sínar af gerðinni Boeing 737 MAX 8 í kjölfar flugslyssins í Eþíópíu um helgina. Þetta gerir flugfélagið eftir ráðleggingar frá evrópskum eftirlitsaðilum. Reuters greinir frá þessu.

Í yfirlýsingunni, sem Reuters vitnar til, kemur fram að um tímabundna ráðstöfun sé að ræða sem gildir þar til annað verður ákveðið.

Norwegian er með alls 18 MAX-þotur í flota sínum og þar af eru átta af gerðinni MAX 8.

Flugmálayfirvöld í Bretlandi ákváðu einnig í dag að banna þotum þessarar gerðar að lenda og taka á loft frá flugvöllum í landinu.