Stuttmyndin Ungar eftir Nönnu Kristínu Magnúsdóttur hlaut aðalverðlaun Flickerfest hátíðarinnar í Ástralíu í gærkvöldi, Klapptré segir frá. Þetta eru fyrstu alþjóðlegu verðlaun myndarinnar en hún hefur ekki áður verið sýnd á alþjóðlegum vettvangi.
Myndin valin besta íslenska stuttmyndin á Alþjóðlegukvikmyndahátíðinni í Reykjavík, RIFF, og á Northern Wave hátíðinni í Snæfellbsæ síðastliðið haust. Næst verður myndin sýnd á Alþjóðlegri kvikmyndahátíð í Gautaborg sem hefst í lok janúar.
Ungar fjallar um einstæðan föður sem vill uppfylla draum ungrar dóttur sinnar um að halda náttfatapartí fyrir vinkonur sínar, en það verður flóknara en hann hélt vegna allra reglanna í nútímasamfélagi.
Ólafur Darri Ólafsson, Ragnheiður Ugla Ocares Gautsdóttir, Anna Bíbí Wium Axelsdóttir, Agla Bríet Gísladóttir og Vigdís Hrefna Pálsdóttir fara með helstu hlutverk í myndinni. Framleiðendur eru Eva Sigurðardóttir og Nanna Kristín Magnúsdóttir
