Hatrið mun sigra er Eurovision-lag okkar Íslendinga í ár og mun Hatari flytja lagið í Eurovision-keppninni í maí í Ísrael.
Með sigri Hatara hefur Ísland færst ofar í veðbanka á vef Eurovision World, en Íslandi hafði til að mynda verið spáð 12. og 9. sæti áður en ljóst var hvert framlag okkar yrði.
Nú er Íslandi hins vegar spáð fjórða sæti í keppninni. Rússinn Sergey Lazarev heldur enn þá toppsætinu, líkt og hann hefur gert síðustu vikur, og Svíum er spáð öðru sæti þó þeir séu ekki enn búnir að ákveða framlag sitt. Í þriðja sæti er svo vinsæli Ítalinn Mahmood með lagið Soldi.
San Marínó, Svartfjallaland, Albanía, Lettland og Serbía skrapa hins vegar botninn.
Smella hér til að sjá stöðu veðbankans.
Uppfært kl. 23.52. Rétt eftir sigur Hatara var Ísland í 7. sæti. Nú er það í því fjórða.
