Í dag var síðasti dagur Rögnu Fossberg sminku á RÚV, en hún er á leiðinni á eftirlaun.
Síðastur til að setjast í stólinn hjá henni og fá smink var Einar Þorsteinsson fréttamaður á RÚV.
„Ég var síðastur til að fá smink frá Rögnu Fossberg í kvöld. Nú fer hún á eftirlaun sem hljómar fáránlega þegar Ragna á í hlut,“ segir Einar.
„Það sem þessi snillingur og gleðigjafi hefur falið mitt raunverulega andlit fyrir alþjóð í gegnum tíðina. Hún sagði mér að ég yrði þulur löngu áður en ég lét mig dreyma um það. Hún hefur einstakt lag á því að láta mann slaka á í stólnum fyrir krefjandi útsendingar og geislar alltaf af gleði. Fagmaður fram í fingurgóma. Við munum öll sakna hennar.“
