Tökur stóðu yfir á Arnarnesi og í bílakjallara í Kópavogi um helgina á nýju myndbandi sem ætlað er að kynna íslenska hönnunarmerkið Gyðja Collection. Þar mátti sjá leikara klædda sem vígalega öryggisverði og konur hlaupandi um með lambhúshettur og í hermannabuxum.

Sigrún Lilja segir að mikil leynd hafi hvílt yfir myndbandinu: „Slagsmál, byssur og svartur van komu við við sögu. En það var meðal annars hægt að fylgjast með tökum á snappinu mínu, @theworldofgydja

Sigrún Lilja segir:

„Tökudagur tvö var í gær en þetta hefur gengið vonum framar. Við erum með ótrúlega magnaða leikara sem standa sig eins og hetjur þrátt fyrir að þurfa að vera léttklædd í kulda og slást í erfiðum senum,“ segir Sigrún og bætir við.

„Það er girlpower fílingur enda stendur Gyðja Collection fyrir það. Strákarnir hafa þurft að taka við höggum og standa sig eins og hetjur á meðan. Þeir hafa mjög gaman að því að sjá konur rústa þeim í bardögum. Þeir hafa hvatt þær óspart áfram þegar þeir hafa legið kylliflatir eftir högg þeirra.“

Sigrún segir einn leikarann hafa orðið fyrir föstu höggi sem hann fékk á barkakýlið.

„Það munaði minnstu að við hefðum þurft að kalla á sjúkrabíl en sem betur fer jafnaði hann sig og það endaði með knúsi hjá honum og gerandanum en hún var í hálfgerðu áfalli eftir þetta.“

Javier Fernandez valiño sem ættaður er frá Spáni er framleiðandi myndbandsins en hann er með framleiðslu fyrirtækið GS PRODS. ásamt því að vera þekktur dansari og tónlistarframleiðandi og leikari eru ásamt því að vera íslenskir frá öllum heimshornum.

Þar má sjá Juan Ramon Borges Bosque frjáls íþróttamann frá Kúbu og Dario Tomas Bardales araujo dansara og tónlistarmann frá Ecuador ásamt Kristínu Elísabetu Gunnarsdóttur keppanda í módelfitness, Hörpu Lind Ingadóttur sirkús listakonu, Björn Sveinbjörnsson lögreglumann og Arnrúnu Berg fyrirsætu.

Sigrún Lilja bætir við að myndbandið sé stuttmynd eða tónlistarmyndband fyrir nýja vegan töskulínu og veskjalínu Gyðju sem er að koma á markað í næstu viku.

„Þá er þetta líka auglýsing fyrir Gyðjuúr ársins en sjálfar Kardashian systur eru fyrstu konur í heiminum til að panta sér eintak.“