Finnski plötu­snúður­inn Daru­de mun taka þátt fyr­ir hönd Finnlands í Eurovisionsöngvakeppninni í ár.

Hann er þekktastur fyrir lagið Sandstorm sem naut mikilla vinsælda um allan heim árið 2000.

Ekki er enn ákveðið hvaða lag verður framlag Finna, en kosið er á milli þriggja laga, sem koma út á viku­fresti í fe­brú­ar, þann 8., 15., og 22. en kosn­ing­in fer fram þann 2. Mars.

Daru­de, eða Ville Virtan­en eins og hann heit­ir réttu nafni, segir að þátttakan sé stór áskorun fyrir hann.

„Ég var smá hrædd­ur til að byrja með þegar ég var beðinn um að koma fram fyr­ir hönd Finn­lands, en ég gat ekki sagt nei við landið mitt. Það er heiður að fá að vera hluti af þess­ari frá­bæru upp­lif­un.“