Padma Lakshmi, sem er hvað þekktust fyrir að stjórna matreiðslukeppninni Top Chef á sjónvarpsstöðinni Bravo, er mikill matgæðingur, en þegar hún hefur gert aðeins of vel við sig í mat og drykk hreinsar hún líkamann með sérstökum drykk sem hún kallar Cranberry Drano.
Padma segir frá þessu í myndbandi á Instagram og deilir einnig uppskrift að þessum hreinsandi drykk.
„Jæja, hátíðarnar eru afstaðnar og flest okkar hafa látið ýmislegt eftir okkur – og við þurfum örugglega hreinsun. Alveg eins og alltaf þegar ég er búin með seríu af Top Chef því ég er full af mat,“ segir Padma í myndbandinu og heldur áfram.
„Ein aðferð sem virkar fyrir mig er drykkur sem heitir Cranberry Drano því hann hreinsar allar pípurnar, ýtir við öllu og lætur mér líða eins og ég sé hrein.“
Padma tekur það fram að þessi drykkur komi alls ekki í staðinn fyrir máltíðir en hér á eftir fylgir uppskriftin.
https://www.instagram.com/p/BsJO1prBLOx/
Hráefni:
1/2 bolli lífrænn trönuberjasafi án sykurs
1 msk. trefjaduft
1 pakki Emergen-C, eða annað C-vítamín duft eða C-vítamín freyðitafla
1 bolli heitt grænt te blandað við 1 msk. af hunangi
4-5 ísmolar
Aðferð:
Öllu blandað saman og drukkið með gleði.
