Liverpool tryggði sér sæti í 16-liða úrslitum Meistaradeildarinnar í gær er liðið mætti Napoli á Anfield.

Það var Mohamed Salah sem skoraði mark Liverpool en hann fór illa með vörn gestanna í fyrri hálfleik.

Markið gladdi stuðningsmenn heimaliðsins mikið og reyndist það nóg til að tryggja liðinu í næstu umferð.

Virkilega fallegt atvik átti sér stað í stúkunni eftir mark Salah en blindur stuðningsmaður Liverpool hafði gert sér leið á leikinn.

Hann var partur af gríðarlegum fögnuði í stúkunni og var það vinur hans sem lýsti marki Salah fyrir honum.

Það gladdi blinda manninn virkilega mikið og mátti sjá hann brosa himinlifandi eftir fréttirnar.

,,Fallegi leikurinn er fyrir okkur öll,“ er skrifað við færslu á Twitter þar sem myndband af atvikinu var birt.

Myndir af þessu má sjá hér.