Dómstóll í austurhluta Síberíu í Rússlandi hefur sakfellt fyrrverandi lögreglumann fyrir morð á 56 konum. Talið er að maðurinn, Mikhail Popkov, hafi minnst 78 mannslíf á samviskunni.

Það var í morgun sem Mikhail var fundinn sekur fyrir dómstól í borginni Angarsk í austurhluta Síberíu. Morðin framdi hann á árunum 1994 til 2000 og hlaut hann lífstíðarfangelsisdóm eftir sakfellingu.

Popkov var fyrst handtekinn árið 2012 vegna gruns um 22 morð. Hann var síðar sakfelldur fyrir þau og dæmdur í lífstíðarfangelsi. Með sakfellingunni í morgun er Mikhail orðinn einn afkastamesti raðmorðingi í sögu Rússlands.

Geðlæknar hafa metið Mikhail sakhæfan og ekki veikan á geði.