Miðjumaðurinn Jorginho var mögulega heppinn að fá ekki rautt spjald í jafntefli gegn Everton í dag.

Jorginho lék með Chelsea í markalausu jafntefli en hann átti alls ekki sinn besta leik á Stamford Bridge.

Jorginho fór í groddaralega tæklingu í fyrri hálfleik en hann tók þá Gylfa Þór Sigurðsson niður sem lá sárþjáður eftir í grasinu.

Gylfi þurfi að fara af velli í síðari hálfleik en hann haltraði að hliðarlínunni og er útlitið ekki of gott.

Miðað við myndir af Gylfa eftir leikinn í London er möguleiki á því að okkar maður sé meiddur á ökkla.

Eins og má sjá hér fyrir neðan þurfti Gylfi að verja ökklann eftir leikinn er hann yfirgaf völlinn.

Það er þó ekkert komið á hreint ennþá en íslenska landsliðið á leiki gegn Belgíu og Katar í mánuðinum.

Það væri mikið áfall að missa Gylfa úr hópnum en Jóhann Berg Guðmundsson meiddist í leik með Burnley í gær.