Íslenska karlalandsliðið mætir Sviss á morgun í Þjóðadeildinni en liðið kom til landsins að nóttu til á föstudag.
Liðið lék gegn Frakklandi ytra á fimmtudag þar sem liðið gerði 2-2 jafntefli, liðið fékk flug beint heim eftir leik.
Erik Hamren þjálfari liðsins var afar sáttur með að fá einkaflugvél heim til landsins, til að undirbúa leikinn á morgun.
,,Við vorum heppnir að fá einkaflugvél heim,“ sagði Hamren um ferðamáta liðsins.
,,Við fengum góðan föstudag hér á Íslandi og ræddum leikinn. Ég er spenntur fyrir leiknum á morgun, hvort við getum gefið þeim betri leik en síðast,“ sagði Hamren en liðið tapaði 6-0 í Sviss í síðasta mánuðui.
