Jose Mourinho stjóri Manchester United ákvað að lesa yfir sínum leikmönnum fyrir leikinn gegn Valencia í gær.
Mourinho tók 45 mínútna hárblásara ræðu á leikmenn sína á Lowry hótelinu í miðborg Manchester.
Þar las hann yfir leikmönnum fyrir slakar frammistöður að undanförnu og bað um bætingu.
Svör leikmanna voru fá en þeir svöruðu ekki fyrir sig innan vallar, leiknum lauk með markalausu jafntefli.
Starf Mourinho er í hættu en starfsfólk hótelsins hefur sagt frá ræðu hans. Mourinho býr á Lowry hótelinu, þar hefur hann verið í rúm tvö ár.
