,,Manchester United er stærra en nokkur leikmaður, ég verð að verja það,“ sagði Jose Mourinho stjóri Manchester United um samband sitt og Paul Pogba við fréttamenn í dag.

Myndband af þeim félögum í vikunni þar sem þeir áttu í deilum um Instagram færslu Pogba. Það hefur ýtt undir sögusagnir um slæmt samband þeirra á milli.

Fyrr í vikunni hafði Mourinho tilkynnt leikmönnum sínum að Pogba yrði ekki aftur með fyrirliðabandið í sinni stjóratíð.

Pogba hefur látið stjórnarmenn Manchester United vita að hann vilji burt frá félaginu, það gerði hann fyrir sjö vikum.

,,Ég held að Paul hafi nú sagt það í þessum frægu viðtölum hans eftir leiki og það er rétt. Sambandið sem leikmaður og stjóri er gott.“

Mourinho vildi ekki ræða hvað gekk á þeirra á milli á æfingunni á miðvikudag. ,,Ég get það ekki, æfingin var opin. Þið voruð með myndavélar og heyrið kannski einhver orð. Ég mun ekkert segja, þetta var samtal.“

Mourinho segist hafa útskýrt fyrir leikmönnum af hverju Pogba verður ekki oftar með bandið. ,,Ég útskýrði það mjög nákvæmlega fyrir leikmönnum og Paul. Þeir vita ástæðurnar, þjálfaraliðið veit það líka. Ég skoða leikmann sem leikmann en ég skoða fyrirliða öðruvísi. Eftir að hafa skoðað þetta þá er Paul bara leikmaður, ekki fyrirliði.“

,,Ég lét leikmenn vita og á þriðjudag fékk ég spurningu um þetta, ég staðfesti þetta og geri aftur. Málinu lokið.“

,,Það æfði enginn betur en Paul í vikunni, kannski einhver af sama krafti en enginn betur. Hann byrjar gegn West Ham.“