Fjórir belgískir ferðamenn skiluðu sér ekki aftur í skála sinn í gærkvöldi en þeir voru í göngu í Jämtland og Dalarna í Svíþjóð. Mikil leit hefur staðið yfir að þeim síðan í gærkvöldi. Þyrla hefur verið við leit og fjallabjörgunarmenn hafa einnig verið við leit.

Ferðamennirnir fóru í göngu á svæði nærri Rogensjön um klukkan 17 og skiluðu sér ekki aftur. Leit hófst á tíunda tímanum í gærkvöldi. Slæmt fjarskiptasamband er á svæðinu en ekkert samband hefur náðst við ferðamennina. Þeir eru sagðir vanir fjallaferðum og vel búnir.

Hvasst er á svæðinu og snjókoma.