Manchester United er úr leik í enska deildarbikarnum en liðið mætti Derby í kvöld á Old Trafford.
Með Derby leikur Richard Keogh en hann er fyrirliði liðsins og skoraði úr síðustu spyrnu liðsins í vítakeppni þar sem Derby vann.
Keogh átti frábæran leik og var með góðar gætur á framherjanum Romelu Lukaku sem náði sér ekki á strik.
Ferill Keogh hefur verið skrautlegur en hann gekk í raðir Derby árið 2012 og hefur verið fastamaður á Pride Park.
Keogh spilaði á Íslandi á sínum tíma en hann lék níu leiki með Víkingi Reykjavík á láni árið 2004.
Keogh var þá á mála hjá Stoke City og samdi síðar við Bristol. Hann er einnig írskur landsliðsmaður og á að baki 18 leiki.
