Fálkarnir höfðu haldið til í Húsdýragarðinum frá því í sumar
Á dögunum var tveimur fálkum sem hafa frá því í sumar haldið til í Húsdýragarðinum sleppt nærri Bláfjöllum. Fálkarnir voru frelsinu fegnir en starfsfólk Húsdýragarðsins fituðu þá og þrifu áður en þeim var sleppt.
Hér að neðan má sjá þegar fuglarnar fljúga í frelsið þann 16 október síðastliðinn. Myndbandið birtist á Facebook síðu Náttúrfræðistofnunnar. Þar er jafnframt greint frá því að á hverju berist stofnuninni ábendingar um sjúka og eða meidda fálka.
Komist fuglarnir undir mannahendur er reynt að hlú að þeim og lækna. Áður voru þessir fuglar hýstir á Náttúrufræðistofnun meðan þeir biðu bata en síðustu 15 árin hefur Húsdýra- og fjölskyldugarðurinn séð um þessa hlið mála.
„Í Húsdýragarðinum eru allar aðstæður góðar til að halda fuglana og áhugasamt starfsfólk. Hlutverk okkar á NÍ hefur verið meira að hafa milligöngu um að koma fuglunum í örugga höfn og síðan að bataferlinu loknu að meta hvort þeir séu hæfir til sleppinga eða ekki, og að lokum gefa þeim frelsi,“ segir jafnframt í færslunni á síðu Náttúrufræðistofunnar.