Dani Carvajal bakvörður Real Madrid og Spánar hefur sett sig í samband við Luke Shaw bakvörð Manchester United og Englands.
Carvajal lenti í samstuði við Shaw í landsleik þjóðanna á laugardag. Shaw fékk þungt höfuðhögg og rotaðist.
Hann var borinn af velli en Shaw er að ná bata og ekki er talið að þetta sé alvarlegt.
Carvajal vildi hafa samband við Shaw og hafði uppi á símanúmeri hans í gegnum David De Gea liðsfélaga Shaw hjá United.
Carvajal talaði við Shaw til að sjá hvort allt væri í lagi hjá enska bakverðinum.
