Rússland 2-2 Króatía (Króatar áfram eftir vítakeppni)
1-0 Denis Cheryshev(31′)
1-1 Andrej Kramaric(39′)
1-2 Domagoj Vida(101′)
2-2 Mario Fernandes(115′)
Króatía mun spila við England í undanúrslitum HM í Rússlandi eftir sigur á gestgjöfunum í 8-liða úrslitum mótsins í kvöld.
Rússar komust yfir í leiknum í dag er Denis Cheryshev skoraði stórbrotið mark á 30. mínútu leiksins.
Framherjinn Andrej Kramaric jafnaði svo metin fyrir Króata ekki löngu síðar og staðan eftir venjulegan leiktíma 1-1.
Í framlengunni komust Króatar yfir er Domagoj Vida skoraði með skalla eftir hornspyrnu.
Það virtist ætla að duga Króötum en á 115. mínútu leiksins jafnaði Mario Fernandes fyrir Rússana með skalla eftir aukaspyrnu.
Úrslitin þurftu því að ráðast í vítakeppni og þar höfðu Króatar betur 4-3 og mæta Englandi í undanúrslitum.
