Landsliðsmaðurinn Björn Bergmann Sigurðarson er kominn í smá frí eftir keppni á HM í Rússlandi.
Björn var að sjálfsögðu partur af íslenska landsliðshópnum á HM en okkar menn duttu úr keppni í riðlakeppninni.
Framherjinn hefur verið upptekinn undanfarna daga og festi kaup á flugvél og birti mynd af því á Instagram.
Björn keypti sér 1976 Piper Cherokee Warrior og segir að draumur hafi verið að rætast með þessum kaupum.
Björn spilar með Rostov í rússnensku úrvalsdeildinni en gerði það áður gott með Molde í Noregi.
Hér fyrir neðan má sjá myndina sem Björn birti á Instagram.
