Strákarnir í Mið-Ísland eru staddir í Rússlandi þessa stundina en þeir eru þar ásamt strákunum í íslenska landsliðinu.
Ísland tekur þátt á HM í Rússlandi og gerði jafntefli við Argentínu í fyrsta leik á laugardaginn.
Mið-Ísland strákarnir þykja mjög fyndnir og héldu þeir uppistand fyrir strákana í dag sem ætti að vera gott veganesti fyrir næsta leik.
Íslensku strákarnir fá fimm daga frí á milli leikja en næsti leikur okkar manna er við Nígeríu á föstudag.
Það var mikið hlegið á uppistandi Mið-Ísland enda eru þeir gríðarlega vinsælir hér á landi og hafa haldið uppistand víða.
Seinna meir voru þeir svo með uppistand fyrir fjölmiðla í Rússlandi sem höfðu að sjálfsögðu einnig gaman að.