Ökumenn bifreiða sem eru með nagladekk mega búast við afskiptum lögreglu vegna þessa frá og með næstkomandi þriðjudegi, eða 15. maí.Sektir vegna nagladekkja hafa hækkað umtalsvert og sama segja um sektir fyrir önnur umferðarbrot.
Í tilkynningu frá lögreglu kemur fram að rétt sé að minna á að sekt fyrir hvert nagladekk hækkaði úr 5 í 20 þúsund um síðustu mánaðamót.
Á sama tíma hækkaði sekt ökumanna fyrir að tala í farsíma án handfrjáls búnaðar úr 5 í 40 þúsund, en lögreglan hefur verið með sérstakt átak af þeim sökum undanfarna daga. Nokkrir tugir ökmanna hafa verið sektaðir af þeirri ástæðu.
„Það er engu að síður mat lögreglumanna að ástandið í þeim efnum hafi skánað allnokkuð frá mánaðamótum, en þeir segjast hafa séð færri ökumenn vera að tala í síma án handfrjáls búnaðar en venja er. Vonandi mun það halda áfram,“ segir jafnframt í tilkynningu.
