Fyrir nokkrum árum var ég staddur á hóteli á eyjunni Barbados.

Á hótelinu var roskinn maður sem naut nokkurrar athygli – það var komið fram við hann dálítið eins og hann væri stjarna.

Ekki stórstjarna þó – allt var þetta í hófi.

Svo varð úr að ég og þessi maður tókum tal saman við sundlaugina.

Þetta reyndist vera Engelbert Humperdinck.

Humperdinck var vinsæll söngvari þegar ég var að alast upp, en lítið hefur heyrst frá honum hin síðari ár. Þangað til nú að kemur á daginn að hann á að vera fulltrúi Bretlands í Evróvisjon söngvakeppninni.

75 ára gamall.

Ég rakst nokkrum sinnum á Humperdinck eftir þennan fyrsta fund okkar – þetta virkaði sem hinn alúðlegasti maður.

(Nafnið hans hefur reyndar alltaf vakið hjá mér spurn – þótt ég spyrði hann ekki út í það. Engelbert Humperdinck var þýskur óperuhöfundur sem var uppi frá 1854-1921. en hinn breski Humperdinck heitir í rauninni Arnold Dorsey.)

Engelbert Humperdinck á yngri árum.