Cuba Gooding Jr. hefur sótt um skilnað frá eiginkonu sinni eftir 22 ára hjónaband. Cuba og Sara Kapfer giftu sig þann 13.mars 1994. Í ágúst 2014 skildu þau að borði og sæng, þá að frumkvæði hennar en hafa samt verið sundur og saman síðan. Cuba sótti nú formlega um skilnað og sameigilegt forræði yfir 10 ára dóttur þeirra Piper. Hin tvö börnin þeirra eru orðin sjálfráða. Cuba og Sara voru síðast mynduð saman opinberlega í Golden Globe eftirpartýi þann 8.janúar síðastliðinn og virtust þau skemmta sér mjög vel saman.
Samkvæmt skilanaðarpappírunum þá endaði sambandið þann 16.apríl árið 2014 en eins og áður sagði hafa þau verið sundur og saman síðan. Nú eru þau, eða allavega hann, viss um að hjónabandið sé búið.
Samkvæmt TMZ óskar Cuba eftir því að allar hans tekjur síðan Sara skilaði fyrst inn pappírunum árið 2014 verði algjörlega hans og þurfi ekki að skipta upp á milli þeirra í skilnaðinum. Inn í þeim tekjum er öll fjárhæðin sem hann fékk fyrir að leika í þáttunum The People v. O.J. Simpson þar sem hann fór með aðalhlutverk. Hann er þó tilbúin að borga henni framfærslueyri eftir skilnaðinn.
