Kristín Stefánsdóttir hefur kennt konum að farða sig í yfir 30 ár. Kvöldnámskeið hjá No Name taka yfirleitt hálfan dag eða eina kvöldstund og eru ætluð konum á öllum aldri sem vilja ná betri tökum á því að farða sig.

„Áherslan er fyrst og fremst á svokallaða fimm mínútna förðun, fyrir konur sem vilja læra að farða sig á einfaldan og fljótlegan hátt – án þess að eyða of miklum tíma fyrir framan spegilinn“

segir Kristín en hún segir jafnframt að margar konur séu hálf hræddar við sumar förðunarvörur og þau ráð sem í boði eru. Það flæða svoleiðis yfir okkur förðunarráðin í fjölmiðlum og tískublöðum og konur eiga það til að halda að þetta sé of flókið og sé ekki fyrir þær. En það er mikill misskilningur.

„Það er nauðsynlegt að læra grunninn til að byrja með, og hann er alls ekki flókinn. Grunnurinn kemur okkur á næsta stig og með honum mun náum við fram náttúrulegri förðun. Svo legg ég alltaf mikla áherslu á „less is more“

segir Kristín.

Að kunna að farða sig rétt, og hæfilega mikið, er nauðsynlegt að læra og á þessum námskeiðum sem Kristín hefur kennt í yfir 30 ár læra konur réttu handbrögðin með því að gera þetta sjálfar undir leiðsögn og finna þá hvað hentar þeim best.

Ungar stúlkur í dag eru mjög framarlega í förðun þar sem Snapchat og bloggsíður um tísku og förðun eru á hverju strái og margar hverjar gætu hreinlega opnað snyrtivöruverslun í herbergjum sínum. Þær þurfa því sérstaklega að læra grunninn ásamt umhirðu húðar og hvernig best er að halda áhöldum og förðunarburstum hreinum, því hreinlæti skiptir jú öllu máli.

Mikið er um að fyrirtæki bjóði starfsfólki sínu á svona námskeið og einnig er þetta vinsæll kostur hjá saumaklúbbum og vinkonuhópum þar sem þær eyða saman góðri kvöldstund og læra réttu handtökin.

Hægt er að fá allar upplýsingar um námskeiðin á www.nnmakeupschool.is eða á sala@noname.is.