Hörður Snævar Jónsson skrifar frá Antalya:

,,Ég hef sjaldan séð betri aðstæður,“ sagði Rúrik Gíslason kantmaður Íslands við 433.is í Tyrklandi í dag.

Kantmaðurinn er í klípu hjá félagsliði sínu Nurnberg í Þýskalandi en þar fær hann lítið að spila undanfarið.

,,Ég er búinn að vera í frystikistunni, það er erfitt að átta sig á því hvað maður getur gert til að breyta því. Ég hef tvisvar ekki verið í hóp og það er í bæði skiptin eftir landsleiki, ég veit ekki hvort að það sé tenging. Ég held áfram að reyna að komast í landsliðið.“

Rúrik elskar að spilafyrir Ísland og hann gæti byrjað leikinn á föstudag.

,,Ég verð að viðurkenna það að ég elska að koma í landsliðið, ég fann það á æfingu í gær að það er gleði. Það er gaman að spila fótbolta þegar það eru ekki alltof margir töflufundi og mín persónulega skoðun er sú að þetta verður að vera létt og skemmtilegt, það er svoleiðis í landsliðinu.“

Viðtalið er í heild hér að ofan og neðan.