Donald Trump hefur gagnrýnt hátt miðaverð á Heimsmeistaramótinu í knattspyrnu og segir það of dýrt fyrir almenna stuðningsmenn.
Ummælin lét hann falla í viðtali þar sem rætt var um kostnað við að fylgjast með mótinu, en samkvæmt fréttum gætu stuðningsmenn England þurft að greiða yfir 5.000 pund ef liðið kemst alla leið í úrslit.
„Ég vissi ekki af þessari upphæð. Ég myndi vilja vera þar, en ég myndi ekki borga þetta,“ sagði Trump.
Hann bætti við að hann vildi sjá almenning hafa raunhæfan aðgang að leikjum mótsins.
„Ef fólk frá Queens og Brooklyn getur ekki farið, þá yrði ég fyrir vonbrigðum,“ sagði forsetinn.
Á sama tíma hafa FIFA og forseti sambandsins, Gianni Infantino, varið verðlagningu miðanna og bent á mikinn kostnað og eftirspurn.
