Hjá mörgum byrjar þyngdartap með von um skjótan árangur. Áætluninni er fylgt, hollari matur er borðaður og fólk hreyfir sig meira. En samt sem áður sést ekki mikil breyting þegar stigið er á baðvogina.

Þetta getur virst vera ósigur, þrátt fyrir að líkaminn sé í raun að gera það sem hann á að gera.

Mýtan um hratt þyngdartap

Margir halda að þeim mun hraðar sem kílóin hverfa, þeim mun betur virki það sem þeir eru að gera. Samkvæmt leiðbeiningum frá bandarískum heilbrigðisyfirvöldum á hið gagnstæða við í þessu.

Heilbrigt og varanlegt þyngdartap er venjulega á bilinu hálft til eitt kíló á viku eða 5 til 10 prósent af líkamsþyngdinni á hálfu ári.

Þegar þyngdartapið er of hratt, þá bregst líkaminn við með því að berjast gegn því. Hungur- og stresshormónar breytast, það getur hægt á efnaskiptunum og hættan á að maður bæti kílóunum aftur á sig eykst mikið. Þetta eru viðbrögð líkamans til að lifa af en ekki merki um skort á viljastyrk.

Rannsóknir hafa sýnt að miklu fleira en mataræði og hreyfing hafa áhrif á þyngdartap. Aldur, erfðir, hormónajafnvægi og ákveðin lyf geta gert ferlið hægara eða ójafnara.

Fólk, sem er mjög þungt, upplifir oft mikið þyngdartap í upphafi en aðrir sjá mun minni breytingar en samt sem áður breytingar sem skipta miklu fyrir heilsufarið.

Ný megrunarlyf geta hjálpað sumum í baráttunni við offitu en heilbrigðisyfirvöld leggja áherslu á aðeins eigi að líta á lyf sem viðbót við lífsstílsbreytingar, ekki sem eitthvað sem kemur í staðinn.

Þess vegna virkar hægt þyngdartap

Niðurstaða lækna er skýr – hægt þyngdartap verndar vöðvamassann, styður við hormónajafnvægið og eykur líkurnar á að þyngdartapið verði varanlegt segir í umfjöllun Verywell Health.

Reglulega hreyfing, góður svefn og venjur, vega meira en hratt þyngdartap.