Sjónvarpsstjarnan fyrrverandi Jay Leno er orðinn gjörbreyttur frá tíma sínum sem stjórnandi The Tonight Show og The Jay Leno Show á sínum tíma. Leno eyðir mestum tíma að sjá um eiginkonu sína sem þjáist af alvarlegri heilabilun.
Leno, sem er orðinn 75 ára, giftist eiginkonu sinni Mavis Nicholson árið 1980, en hún hefur einkum verið þekkt sem femínskur aktívisti. Árið 2024 var greint frá því að Nicholson, sem er fjórum árum eldri en Leno væri að kljást við alvarlega heilabilun. Það var hún svipt sjálfræði og Leno tók yfir stjórn eigna hennar.
Greint hefur verið frá því að Nicholson viti oft ekki hvar hún er stödd eða hver eiginmaður hennar er. En ástin á milli þeirra er enn þá sú sama.
„Þegar þú giftist þá strengirðu heit,“ sagði Leno í viðtali. Hann ætli sér ekki að láta neitt koma fyrir hana. „Ég fer heim, elda mat fyrir hana, við horfum á sjónvarpið. Þetta er eins og áður nema að núna þarf ég að mata hana og gera alls kyns þannig hluti. En mér líkar það. Mér líkar að sjá um hana.“
Þrátt fyrir að hún viti ekki alltaf hver hann er þá reyni hann að minna hana á þeirra fyrra líf. Sýna henni myndir af því sem þau voru að bralla í gamla daga.
„Þetta er svolítið gaman. Ég sýni henni kannski mynd af okkur með Obama forseta en hún segir að þetta séu ekki við,“ sagði Leno.
Eins og sést á nýlegum myndum þá er elli kerling einnig farin að taka sinn toll af Leno sjálfum. En hann lenti einnig í hrottalegu slysi fyrir nokkrum árum þar sem hann hlaut brunasár í andliti, höndum og handleggjum.
