Sarah Ferguson er nú heimilislaus og hefur búið inni á vinum eftir að hafa misst konunglegt heimili sitt. Ferguson á þó í erfiðleikum með að finna gistingu í New York eftir nýjustu uppljóstranir í máli Jeffrey Epstein.

Heimildir herma að síðan Ferguson og fyrrverandi eiginmaður hennar, Andrew Mountbatten-Windsor fyrrum Bretaprins, voru rekin af konunglegu heimili sínu, hafi Ferguson flakkað á milli vina og gist, þar á meðal hjá Priscillu Presley.

Þrátt fyrir að þau hafi skilið árið 1996 bjuggu fyrrverandi hertoginn og hertogaynjan af York saman í höll sinni í Royal Lodge í Windsor þar til bróðir Mountbatten-Windsor, Karl konungur, rak hann út eftir að hann var handtekinn fyrir aðild sína að málum kynferðisglæpamannsins  Jeffrey Epstein.

Ferguson var eitt sinn reglulegur gestur í New York og dvaldi oft hjá vinum sínum. En fyrrverandi velgjörðarmenn hennar telja hana nú of umdeilda til að bjóða henni heim.

„Allir segja henni að þetta sé ekki góður tími,“ sagði heimildarmaður við Page Six. „Mörgum líkar í raun mjög vel við hana, en að vera tengdur einhverjum sem tengist Epstein er einfaldlega ekki skynsamlegt núna.“

Á meðan býr dóttir þeirra hjóna, Eugenie, í borginni. En mæðgurnar telja báðar að það gæti verið skaðlegt fyrir fjölskylduna að Ferguson búi þar.

„Nú þegar Andrew hefur misst konungsstitil sinn eru stelpurnar [Eugenie og eldri systir Beatrice] einu meðlimir fjölskyldunnar sem eru raunverulegir konungsfjölskyldumeðlimir,“ sagði heimildarmaður. „Það er mikilvægara en nokkru sinni fyrr að þeim sé haldið eins langt frá hneykslinu og mögulegt er.“

Eugenie er kannski ekki til í að vera sérstaklega gestrisin samt sem áður, eftir að það kom í ljós að mamma hennar skrifaði Epstein: „Ég er bara að bíða eftir að Eugenie komi til baka eftir ríðingarhelgi!!“

Nýju tölvupóstarnir sýna náið samband milli Ferguson og Epstein þar sem hún sagði ítrekað að þau ættu að giftast og kallar hann „bróðurinn sem ég hef alltaf óskað mér“.