Talksport segir enn mikinn áhuga á Mohamed Salah frá Sádi-Arabíu.
Egyptinn hefur lengi verið orðaður við Sádí en hingað til hefur Liverpool ekki viljað sleppa honum.
Eftir dapurt gengi á leiktíðinni er þó líklegt að félagið myndi samþykkja gott tilboð í Salah, sem var hent á bekkinn í síðasta leik.
Al-Hilal, eitt stærsta félag Sádí, er á meðal áhugasamra. Nokkur stór nöfn eru þar á mála, þar á meðal Darwin Nunez.
Salah og Nunez léku auðvitað saman með Liverpool og í fyrra kvaðst sá fyrrnefndi hafa miklar mætur á sóknarmanninum.
