Svo gæti farið að Ísrael verði sparkað úr keppnum FIFA í dag en það er Katar sem gengur hvað harðast fram í þeirri ósk um að þeim verði vikið úr keppni.

Katar er einn stærsti styrktaraðili UEFA og hóta því að hætta styrknum verði ekki tekið á Ísarel.

Ástæðan er sú að Ísrael lét sprengjum rigna yfir Doha, höfuðborg Katar á dögunum. Þar töldu þeir Hamas liða vera í felum.

Sagt er í fréttum í Katar að þjóðin fari fram á neyðarfund með FIFA og UEFA, þar sem þeir munu ítreka þessa beiðni.

Ísrael hefur fengið að vera með í keppnum á sama tíma og þjóðin hefur ráðist inn á Gaza. Verði Ísrael hent úr keppni er ljóst að þjóðin kemst ekki inn á HM næsta sumar.