Katrín Edda Þorsteinsdóttir, vélaverkfræðingur, hefur sett íbúð sína í Stigahlíð 34 á sölu. Ásett verð er 68,5 milljónir króna. Katrín Edda er búsett í Stuttgart í Þýskalandi ásamt eiginmanni sínum og tveimur börnum þeirra. 

„Fallega íbúðin mín í Stigahlíðinni góðu er komin á sölu. Fullkomin fyrsta eign, nýlegt eldhús og baðherbergi, rúmgóð og auðvitað í besta hverfinu með mömmu mína í sömu götu,“

segir Katrín Edda í færslu á Facebook. Katrín Edda er afar vinsæl á Instagram með tæpa 33 þúsund fylgjendur og kemur mamma hennar, María Anna, oft við sögu við miklar vinsældir fylgjenda.

Íbúðin er  83 fm á 4. hæð í fjölbýlishúsi sem byggt var árið 1962.

Íbúðin skiptist í forstofu, stofu/borðstofu, eldhús, tvö svefnherbergi og baðherbergi.

Íbúðin er með fallegu útsýni í mikið endurnýjuðu og vel viðhöldnu húsi. Íbúðin var einnig mikið endurnýjuð af fyrri eigendum og má þar til dæmis nefna eldhúsinnrétting og tæki, baðherbergi, innihurðar og gólfefni, auk rafmagns.

Nánari upplýsingar um eignina má finna hér.