Nýlega var mjög öflugur stjörnusjónauki tekinn í notkun í Chile. Á mánudaginn voru fyrstu myndirnar, sem voru teknar með sjónaukanum, birtar og er óhætt að segja að þær séu stórkostlegar.

Sjónaukinn er staðsettur í Vera Rubin-stjörnuskoðunarstöðinni en hún býr yfir stærstu stafrænu myndavél heims og sjónauka sem er 8,4 metrar í þvermál.

Fyrstu myndirnar eru meðal annars af fjarlægum vetrarbrautum og svæðum þar sem stjörnur verða til.

Stjörnuskoðunarstöðin er á toppi Cerro Pachón fjallsins sem er í miðhluta Chile. Þar er næturhimininn sérstaklega skýr.

Ein af fyrstu myndunum er sett saman úr 678 myndum sem voru teknar á sjö klukkustundum. Þær sýna stjörnuþokur sem eru í mörg þúsund ljósára fjarlægð frá jörðinni.

Stjörnuskoðunarstöðin er einnig útbúin mjög öflugu gagnavinnslukerfi. Á fyrstu tíu klukkustundunum eftir að sjónaukinn var tekinn í notkun, fann hann 2.104 áður óþekkta loftsteina í sólkerfinu okkar.  Braut sjö þeirra liggur nærri jörðinni en enginn þeirra er talin ógna jörðinni eins og staðan er núna.