48 ára kona er sökuð um að hafa höggvið höfuðið af eiginmanni sínum eftir að hafa kyrkt hann með berum höndum. Hún skar síðan kynfærin af honum og gaf hundunum þeirra þau að éta. Lögreglan segir að konan, sem heitir Maria, hafi sætt miklu ofbeldi af hálfu eiginmannsins árum saman.

Daily Star segir að þetta hafi gerst að morgni til á heimili hjónanna í Úkraínu þegar maðurinn kom heim. Vitni segja að Maria hafi verið þakin blóði eftir þetta.

Lögreglan segir að í yfirheyrslum hafi Maria sagt að eiginmaðurinn hafi beitt hana ofbeldi árum saman og hún hafi myrt hann til að binda enda á ofbeldið, þetta hafi verið eina leiðin fyrir hana til að losna út úr því.

Hún er sögð hafa kyrkt eiginmanninn, því næst hafi hún afhöfðað hann með öxi. Því næst náði hún sér í hníf og skar undan honum og gaf hundunum.