Landsréttur staðfesti 18 ára fangelsisdóm móður fyrir manndráp á sex ára syni sínum á heimili við Nýbýlaveg fyrir einu og hálfu ári síðan. Einnig var hún fundin sek um tilraun til manndráps gegn öðrum syni sínum.

Landsréttur staðfesti niðurstöðu Hérðasdóms Reykjaness um sakhæfi móðurinnar. Vísað var til matsgerða þriggja geðlækna í því samhengi.

Konan var vissulega talin hafa verið haldin ranghugmyndum um heilsu sína. Það er að hún væri með ógreint krabbamein. Þær ranghugmyndir hafi hins vegar ekki verið stýrandi í verknaðinum að því leyti að hún hafi ekki haft stjórn á gjörðum sínum.

Auk 18 ára fangelsisdóms var móðurinni gert að greiða syni sínum sem lifði af 5 milljónir króna í bætur og barnsföður 3 milljónir króna.