„Mér líður vel aftur,“ skrifar Marcus Rashford sóknarmaður Manchester United sem er laus við meiðsli og getur farið út á völl aftur.

Rashford var á láni hjá Aston Villa á síðustu leiktíð en verður ekki keyptur þangað.

Rashford þarf að finna sér nýtt félag í sumar en United vill losna við hann en Barcelona hefur sýnt honum einhvern áhuga.

Einn netverji og stuðningsmaður United var ekki sáttur við þessa færslu Rashford. „Hann birtir þessa mynd á hverju undirbúningstímabili, svo fer hann yfir hálfan hnöttinn til að sjá boxbardaga á miðju tímabili,“ skrifar netverjinn og bætir meira við.

Rashford ákvað svara þessu á X-inu góða. „Mér líður vel af því að ég er laus við meiðsli vinur,“ skrifaði Rashford.

Framherjinn hefur alla tíð verið samningsbundinn United en samband hans og stuðningsmanna félagsins hefur súrnað hratt síðustu ár.