Myndir af Joshua Zirkzee, sóknarmanni Manchester United, í sumarfríi á Barbados hafa vakið mikla athygli.

Hollendingurinn er þar í góðum gír í gleðskap og þá kom annar gestur og skellti í svokallað „twerk“ fyrir framan hann.

Ekki er vitað hvort Zirkzee þekki konuna sem um ræðir eður ei. Hann mótmælti athæfinu allavega ekki en virtist fremur hissa.

Zirkzee er í fríi ásamt landa sínum og liðsfélaga hjá United, Matthijs de Ligt. Hafa þeir félagar verið í góðum gír undanfarna daga.

Zirkzee gekk í raðir United í fyrra frá Bologna en hefur verið orðaður við brottför, einna helst aftur til Ítalíu.