Gary Neville segir að Manchester United þurfi að losa sig við tíu leikmenn í sumar til að geta hafið þá vinnu að byggja upp nýtt lið.

Vitað er að nokkrir leikmenn fari frítt en um er að ræða Victor Lindelof, Christian Eriksen, Jonny Evans og fleiri.

Þá er búist við að Jadon Sancho, Marcus Rashford, Antony og fleiri verði seldir.  Segir Neville að þeir verði að fara og hann vill sjá Casemiro fara líka.

„Við erum að tala um tíu leikmenn sem verða að fara,“ sagði Neville.

„Það eru þrír eða fjórir sem fara þegar samningar þeirra renna út og svo þurfa fimm til sex að fara. Þeir þurfa líklega að borga þeim til að fara.“

Sancho, Rashford og Antony eru allir með þannig laun að ekkert annað félag er líklegt til þess að borga þann pakka.

„Rashford er að fá helming frá United núna sem er 180 þúsund pund á viku.“