Það voru ekki bara Íslendingar sem glöddust þegar VÆB-bræður komust áfram í Eurovision í gærkvöldi. Myndband af viðbrögðum Kyle Alessandro, sem er fulltrúi Noregs í keppninni í ár, hafa vakið nokkra athygli á samfélagsmiðlum.

Noregur var fyrsta landið til að tryggja sér sæti á úrslitakvöldinu í gærkvöldi og því gátu Norðmennirnir fylgst áhyggjulausir með því hvaða lönd fylgdu þeim áfram.

Segja má að gleðin hafi verið ósvikin þegar nafn Íslands var lesið upp í gærkvöldi og fögnuðu fáir meira en fulltrúi Noregs, fyrrnefndur Kyle sem er einn yngsti flytjandi keppninnar.

Eins og fram kom í viðtali mbl.is við Kyle í fyrradag er hann mikill aðdáandi VÆB-bræðra og kann hann meira að segja textann úr laginu. Virðist þessum ungu og hæfileikaríku tónlistarmenn vera vel til vina.

„Ég hef verið að hanga svo­lítið með VÆB. Hálf­dán og Matti eru rosa­lega sval­ir,“ sagði hann.

Kyle Alessandro reacting to VAEB qualifying for Iceland #Eurovision pic.twitter.com/xZJUwYyCMl

— Principe 🫅🏾 (@Pri_Letterman) May 13, 2025