Hólmbert Aron Friðjónsson, leikmaður Stjörnunnar, var að vonum sáttur í kvöld eftir 5-0 sigur á ÍBV þar sem hann skoraði tvennu.
,,Geggjaður sigur, 5-0, það er ekki hægt að biðja um meira. Mjög flottur sigur,“ sagði Hólmbert.
,,Við höfum æft hrikalega vel í allan vetur og við erum allir í toppstandi og það er lykillinn að því að skora mörk.“
,,Ég gerði fullt af mistökum síðasta sumar og ég kom inn í þetta mót í toppstandi. Maður þarf að vera í toppstandi í þessari deild.“
,,Ég tók Lennon-prógramið, nei, ég hef létt mig heilmikið og ég held að það sýni sig.“
