Íslenska karlalandsliðið mætir Haítí í seinni leik sínum í Kanada á morgun og er liðið talið sigurstranglegra.

Ísland gerði 2-2 jafntefli við Kanada á laugardag eftir að hafa komist í 0-2 með mörkum Orra Steins Óskarssonar.

Búast má við að Arnar Gunnlaugsson landsliðsþjálfari geri einhverjar breytingar á liði sínu á morgun, en Haítí þykir töluvert slakara lið en Kanada.

Veðbankar telja Strákana okkar sigurstranglegri og er stuðull á íslenskan sigur á Lengjunni til að mynda 2,17. Það er þó búist við nokkuð jöfnum leik því stuðull á Haítí er 2,79 og 3,11 á jafntefli.

Leikurinn verður sögulegur fyrir þær sakir að Ísland og Haítí hafa aldrei áður mæst.