Liverpool þarf að bæta við fimm milljónum punda í tilboð sitt í Florian Wirtz ef félagið vill fá leikmanninn í sumar.

Þetta kemur fram í enskum miðlum en Daily Mail segir að Wirtz sé fáanlegur fyrir 118 milljónir í sumar.

Liverpool ku hafa boðið 113 milljónir í Wirtz á dögunum en því tilboði var hafnað af þýska félaginu.

Wirtz hefur sjálfur mikinn áhuga á að færa sig til Englands en hann mun að öllum líkindum ekki spila með Leverkusen næsta vetur.

Leverkusen veit að allar líkur eru á því að Wirtz endi hjá Liverpool en vill fá fimm milljónir til viðbótar og er líklegt að þeir ensku samþykki það.

Wirtz verður dýrasti leikmaður í sögu Liverpool en hann er stærsta stjarna Leverkusen og mikilvægur hlekkur í þýska landsliðinu.